TVB邁進55周年

無線特意準備咗一檔美食節目

等大家嘅味蕾都可以感受到

“周年慶”嘅喜悅

呢檔《黃金盛宴》就邀請咗

馬浚偉做主持

除咗演員&歌手

兩個标志性嘅身份之外

馬仔都唔係第一次主持美食節目啦~

十幾年前，

佢曾經主持《大廚出馬》

每集都探訪名廚

了解佢哋背後嘅美味故事

順便再學煮師傅嘅拿手好菜

最後仲會幫觀衆試食添

馬仔自诩從呢啲大師手上

學識咗唔少煮食技能

佢自己都曾經試過喺節目上

用3分鐘炮制咗一道“蝦蝦笑”

鏡頭看似蝦碌、手忙腳亂

但最後仲夠時間抹埋台

收尾嘅姿勢真係夠曬有型

除咗有姿勢又有實際嘅主持

《黃金盛宴》最有睇頭嘅point

就係有肥媽Maria &“鼎爺”李家鼎

世紀大合體

關注TVB嘅觀衆應該都知道

肥媽平時豪爽有主見

自己就已經有《肥媽私房菜》

《食平D》等等

好幾檔嘅飲食節目揸喺手

可以話係美食屆“霸氣一姐”

而鼎爺就喺好多電視劇裡面

演過反派、惡霸、殺手……

可以話，各種“壞蛋”都演過

除咗演戲之外

佢仲常駐《阿爺廚房》

《教煮争霸》等食嘢真人秀

好受街坊歡迎嘎

外形嚴肅，有“惡人”濾鏡嘅鼎爺

同霸氣十足嘅肥媽同台

兩人都係美食屆嘅“大佬”

有一種随時會打起嚟嘅感覺

兩人喺首集相遇

已經“火藥味”好濃

肥媽話鼎爺唔係佢男友

所以唔會同佢嘈交

鼎爺就即刻回嘴

話自己都冇心溝肥媽

所以唔會有“不合”一說

你一言、我一語

睇似針鋒相對

其實大家都知道佢哋私底下

係好朋友、好拍檔

鏡頭前先可以

互相調侃到咁嘅程度

兩位重量級星廚

用爆笑“吵架”開啟咗節目氣氛

登場煮菜嘅嘉賓就可以更輕松咁

大展拳腳啦

啱啱完成咗一件人生大事嘅陳炜

今次專登将自己嘅“私房嘢”都公開埋

大家仲記得喺之前嘅獻禮劇《回歸》中

“粵德居”老闆就曾經靠一道

“士多俾梨生炒骨”俘虜咗老闆娘嘅心

唔同于平時用菠蘿調味嘅酸甜排骨

呢味餸用到士多俾梨 蜜桃做配料

出爐嘅生炒骨顔色更缤紛

味道更香甜可口

齋個賣相都已經赢曬

炜哥就暗示呢道菜式

其實就係佢嘅獨門私房菜

平時得“陳醫生”可以食到噶

//////////

之前或多或少都涉足過美食節目嘅

黎諾懿、Amanda S、蕭秀香等藝人、廚師

呢次都齊齊參加到節目

每集俾觀衆送上各式好味道

唔知大家會唔會将呢檔新綜藝

當成最近呢段時間嘅

“電子榨菜”（下飯節目）咧

MORE

今日娛樂看點

《誰都知道我愛你》明天上線

宋茜&許魏洲主演嘅

《誰都知道我愛你》定檔

呢個故事講嘅係

男女主角喺相愛相殺的過程中

不斷成長，成為相知相愛的情侶

張柏芝42歲嘅狀态

張柏芝一直keep得好好

最近佢開直播帶貨

粉絲截圖佢嘅狀态

膚白貌美冇得彈

王怡人參加《街舞5》決賽

節目進入總決賽階段

今日官宣新消息：

王怡人以飛行嘉賓身份加入

為節目注入青春新能量

資料來源：微博、綜藝截圖

網絡信息綜合整理

編輯：郭玮

審核：曾敏妍

簽發：駱蘋

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細内容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。

官方靓仔可樂君（handsomecolor）