無驚無險又一個禮拜，

新一期《聲生不息》

熱度穩定上分！

二公競演以“一生所愛”嘅

主題拉開帷幕，

今個禮拜又有邊個

舞台睇到你意猶未盡？

不得不說，

作為綜藝小能手嘅

芒果台搞情懷（褒義詞）

真係好有一手！

開頭請嚟殿堂級音樂制作人

盧冠廷獻唱《一生所愛》點題，

片尾特邀呂方以一首

《朋友别哭》催淚收尾。

更安排“紫霞仙子”

朱茵驚喜獻聲旁白，

将回憶殺套路玩得極順手。

well~開頭結尾咁精彩，

都要睇翻正文好唔好，

上一期節目中，

coco李玟、曾比特

被高票選中互換陣營，

所以二公也首次迎來

男女合作舞台。

不過今次嘅兩個

男女合作舞台

似乎效果都未盡人意。

曾比特、安崎演繹

黎明金曲《夏日傾情》

夢幻舞台充滿青春氣息，

作為小甜歌，浪漫滿分。

但因為原曲蘊藏咗

黎明和歌迷雙向奔赴的情感，

唔少觀衆就覺得

“小甜歌”演繹差啲意思。

順便插個“彩蛋”：

有網友發現今期曾比特

個look神似keroro軍曹，

廣東朋友簡直秒get……

李玟、林曉峰同

魔動閃霸帶來

草蜢的《半點心》，

歌中仲融入咗李玟嘅《叩叩》

大刀闊斧的改編，

有人覺得眼前一亮，

有人就認為難以接受，

起碼喺“魔性”呢點上，

大家意見比較統一。

呢兩個舞台系咪今期包尾？

咁就見仁見智啦～

不過講到最正嘅兩個舞台，

今期觀衆反響難得一緻。

男隊嘅最佳合作金曲，

由李克勤、毛不易的

《最佳損友》獲得。

冇錯，今期又有Eason！

簡直係《聲生不息》

場外“最忙嘉賓”

截至目前為止，

陳奕迅幾乎“全勤出席”，

而且據路透，

下兩期都有佢嘅歌哦~

（最終曲目以播出為準）

今次《最佳損友》舞台，

火車車廂設景勁有feel，

李克勤、毛不易嘅聲線

搭配起身意外合拍，

就係動來動去vs一動不動

呢個場面有少少搞笑。。

女隊嘅最佳合作金曲，

則由楊千嬅、周筆暢和單依純

演繹嘅《高山低谷》獲得。

“你快樂過生活，

我拼命去生存”

呢首助力林奕匡完成

從低谷到高山逆襲的歌曲

經由“二代半”女歌手重新演繹

有種不一樣的味道

都話最精彩嘅

永遠在下一集

雖然二公競演尚未播完，

但三公錄制已經于近日完成

而令大家最驚喜嘅係，

三公舞台将有飛行嘉賓加盟！

據現場觀衆路透，

（最終舞台以播出為準）

首輪飛行嘉賓有張智霖、王源，

佢哋會将喺第6期節目

合唱《歲月如歌》，

第7期節目亦有兩人嘅獨唱舞台

對于之後嘅飛行嘉賓，

呢幾日有唔少網傳名單流出，

其中被cue得最多嘅容祖兒

自節目未開始就

一路獲得超高呼聲，

但一直未能見到她的身影。

日前有消息指，

佢将會以連線方式出現，

類似今期嘅特邀嘉賓

盧冠廷、呂方咁，

但唔會到現場參加節目。

雖然人未到，

但三公獨唱舞台歌單

終于出現咗容祖兒嘅

代表作之一《心淡》，

人未到場、金曲先上陣，

大家可以小小期待下？

MORE

今日娛樂看點

劉畊宏家各火各的

鐵血教練劉畊宏、

甜心辣媽vivi王婉霏 、

軟萌公主小泡芙，

一家三口都人氣爆棚，

搞到網友都好忙

唔係忙住跳操

就係考古小泡芙嘅可愛片段。

《歡迎光臨》定檔

正午陽光新作來襲~

黃軒、白百何領銜主演嘅

都市生活輕喜劇《歡迎光臨》

正式定檔5月18日，

值得一提嘅係，

呢次也係白百何和鮑鲸鲸

自《失戀33天》、

《浮沉》後的第三次合作。

《浪姐3》即将上線

《乘風破浪》（《浪姐3》）

今日發布主視覺海報

宣布節目即将上線！

雖然官方陣容名單尚未釋出，

不過大家已經從各種路透中

整理出完整名單

（最終名單以官宣為準哦），

唔知你對《浪姐3》有乜期待？

向下滑動查看

資料來源：微博、綜藝截圖

網絡信息綜合整理

編輯：陳祉伶

*文中圖片版權歸原作者所有，

如涉及侵權請聯系，立即删除

掃描下方二維碼訂閱

【微店】可樂生活小店

【淘寶】羊晚生活館

【郵政】中國郵政微郵局

▼

>>>

一次過get可樂報詳細内容

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向标資訊。

官方靓仔可樂君（handsomecolor）