滬語雜談

1.打煞西，打個半死。

例句：某一日我聽到隔壁張家額嗯子特伊拉爺講，嘿，老棺材，拿埃銅钿拔我好伐，我好出去開銷開銷，最好是五百塊，少額話用起來勿大暢快，死小鬼,問爺要鈔票勿講一句好聽額閑話，讓我開心開心，叫我老棺材，還講鈔票要用了暢快，搿拔閑話真讓我氣額半死啊，我脫侬講，我非但勿拔侬一分盎钿，我還要毛竹闆烤肉，非拿侬打煞西勿可，接着我真額看到伊拉爺手裡倒拿了一根木柄拖把，追着伊額妮子打，伊妮子一看吓死，立馬飛快地逃到了外頭，睚到要好同學伊面，待等爺老頭子氣消了再回來。

2.敲煤餅，出錢嫖妓、玩弄女性。

例句：羅慧啊，侬額好朋友阿劉（我額姐夫），最近哪能呒來，阿劉哪能樣子額銀，侬會勿曉得嗎，伊拉窩裡廂額事體，侪是伊拉老婆做額，伊是從來勿做額，阿勿管，每天是切現成飯，切好飯，飯碗頭一笃，老早死出去勒，搿伊去做啥奈，伊勿是去茶館店與銀嘎山湖，就是去舞廳，看中歡喜額，跳上幾圈，一旦烏龜與王八蛋對上眼，軋起姘頭來了，有晨光白相得好，白相出感情來，銀家女銀還會倒貼，白切白喝，老卵伐，阿劉本事大伐，覺得銀有埃吃力了，就到汏腳店泡泡腳、抹抹精油開開背，嘴巴裡噴噴香煙，看到中意額，順大便敲敲煤餅，日腳好過了不得了，我現在勿好脫伊多啰嗦額，家嘴巴講，阿劉勿是額好東西，侬脫伊少來往，家嘴巴勿歡迎伊來，所以伊現在賴勒少了。

3.五斤夯六斤，指人說話态度粗暴。

例句：哎，小王，侬現在是不是空了隑，還有羅工，侬拿手頭額事體放一放，開一檔人馬到我們區常規管控地段去采幾批水樣伐，咦，王科，侬講閑話客氣埃好伐，王科聽後講，賴勒污管科，我是科長，侬是副科 ，侬必須聽我額，勿聽額話，侬試試看，月底我會扣侬獎金，阿唷喂，不得了了，不得了了，一個大科長，請侬講閑話勿要五斤夯六斤好伐，我搿銀是切軟勿切硬額，有事體好商好量，啥額侪好講，否則一切免談，如果侬要借此因頭，扣我獎金，我呒飯切，我就住到侬窩裡去，勿相信額話，侬可以一試，我等了隑，我會奉陪侬到底，我倒勿相信 ，倒要看看啥銀撐得下去。

4.毛姑姑，估摸有多少的意思。

例句：搿款意大利老頭牌皮鞋，皮質細膩、軟着、做工道地，肯定切價，我毛估估伊要好幾千塊盎钿了。

5.拿母溫：蝌蚪，也指解放前在外資工廠工作的的車間主任或工頭。

6.侪要，都要。

例句：芒弱病殘孕幼都要照顧。

7.高頭，上面。

例句：公車高頭要靜了再靜。

8.晨光，時。

例句：綠燈辰光，轉彎車子要讓直行額。

9.勿吃，不吃、不抽。

例句：現在晨光，賴勒公共場合，勿吃香煙已成鐵律。

10.額角頭碰着天花闆，指運氣超好、忒好了。

例句：某一日，我參加了愛購上海電子消費券活動，之後拿到了消費券，當我将搿樁事體講拔我朋友聽時，朋友講，侬是額角頭碰着天花闆啊，我講是額是額，勿是每個人都能中的。

11.一塌糊塗，一天世界、亂七八糟、一團漆黑、雜亂無章、忒差勁了。

例句：看到某平台發布額一條消息，講今遭子夜裡廂福利雙色球會開出超級大獎，有幾個億了，起點是侬要買20元的套餐，我是一哈子買了10套，之後我就等了隑看伊開獎，不料夜裡廂開獎後，我一一對照，買了十套的，我是哈末事阿呒中，唉，搿運氣一塌糊塗啊，我是呒閑話了。

12.插外快，獲得意外驚喜、揩油。

例句：對于日常用品，我時常會了隑拼多多平台上買，因為末事本來便宜，買了後收到貨運氣好，還能小賊插外快、收到返現券，再拔店家額五星加好評，店家會立時打拔侬兩到三塊，算一算末事便宜到煞根，開心伐，哈哈。

13.介（ga)，這麼。

例句：上海介繁榮，主要是一百六十年前開埠以後發生個變化。

14.賴勒，在。

例句：從松江、青浦一帶個出士文物當中看到，上海西郊有六幹多年曆史， 但是現在城區大多數地方，賴勒唐朝以前還是海灘或者海，呒想到伐，好白相伐，呵呵。

15.“老克勒”，是從英語“colour”脫“classics” 裡演化過來的，泛指解放前在洋人開的公司裡任職或混迹于社會上的有點文化、有點地位的、樣樣侪懂一埃的人），至少是屬于三腳貓級别的伐，呵呵。

例句：隔壁額張先生從前就在外國銀開的洋行裡做職員的，伊就是屬于老遭子老克勒一類額銀，精通切穿住行，有獨立的見解，屬于老懂經額朋友。

16.賣相，長相。

例句：噢喲，小張啊，呒看出，侬翻了套行頭，頭發梳得上清，看起來賣相不錯嗎，羅老師，我本來就勿難看額啊，比啥銀攤般過（比啥人差過），是額是額，侬講了阿對，小張比啥銀差過奈，要賣相有賣相，要學曆有學曆，要技術有技術，侬是賴勒單位裡老吃相額。

17.收骨頭，收拾人。

例句：老遭子額晨光，一個比我小的小鬼頭，老是賴勒外頭講我壞話，我勿開心了，于是我尋到伊，脫伊講，我從來勿惹（za)銀,伊家阿勿要來惹我，請侬勿要再賴勒外頭亂放我洋風、講埃開壞我額閑話了啊，一旦聽到，我曉得般是（定是）侬講額，我一定會收侬骨頭額，請侬切生活（揍你），小鬼頭講，阿哥，我再阿勿敢了，我講好伐，我就相信侬搿趟。

18.戳壁腳，在人背後說人壞話，覺得過瘾，是唯恐天下不亂。

例句：最最勿是末事額東西，是賴勒兩頭戳壁腳額銀，搿拔銀（這種人）最陰損勒，是壞到根了。

已入深秋，迷人秋景，讓人着迷，最好戀愛。

浦江兩岸，繁華依舊，流連此地，不思歸程。

大橋天橋，縱橫交錯，便利交通，讓人舒适。